މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: މަޖިލިސް

އުނގޫފާރު ބިންހިއްކުން ލަސްވާތީ މިނިސްޓަރާ ސުވާލުކުރަނީ

އުނގޫފާރުގެ ބިން ހިއްކުމުގެ މަޝްރޫއު ފެށުން ލަސްވަމުން ދާތީ އެކަން އެގޮތަށް ދިމާވާ ސަބަބެއް އޮޅުންފިލުވުމަށް ޕްލޭނިން މިނިސްޓަރ މުޙައްމަދު އަސްލަމް ރައްޔިތުންގެ މަޖިލީހަށް ހާޒިރުކުރަން އުނގޫފާރު ދާއިރާގެ މެންބަރު މުޙައްމަދު ވަޙީދު ހުށަހަޅުއްވައިފިއެވެ.

މުޙައްމަދު ވަޙީދު އިއްޔެ މަޖިލީހަށް ފޮނުއްވި ނޯޓިސްގައި ވިދާޅުވެފައިވަނީ، އުނގޫފާރުގެ ބިން ހިއްކުމަކީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ ވައުދެއް ކަމަށާއި ނަމަވެސް މިދިޔަ ދެ އަހަރުގެ ބަޖެޓުގައި ހިމެނި އެމްޓީސީސީއާއި ކޮންޓްރެކްޓް ކުރެވިފައި އޮވެ މާފަހުން ކޮންޓްރެކްޓް ކުރެވުނު މަޝްރޫއުތައް ފަށާއިރު އުނގޫފާރު ބިންހިއްކުމުގެ އަމަލީ މަސައްކަތް ލަސްވަނީ ކީއްވެކަން ސާފުކުރައްވަން ބޭނުންވާ ކަމަށެވެ. ވަހީދު ހުށަހަޅުއްވާފައިވަނީ މިނިސްޓަރު މަޖިލީހަށް ހާޒިރު ކޮށްގެން ސުވާލު ކުރުމަށެވެ.

މިކަމާއި ގުޅޭގޮތުން ވަހީދު ފޭސްބޫކްގައި ލިޔުއްވާފައިވަނީ، ދައުލަތުގެ ބޭނުމަށް 1/3 އަށްވުރެ ބޮޑު ބިން ދޫކުރެވިފައި ވުމާއި، ރަށު ރައްޔިތުން ދިރިއުޅޭން އޮތް ބިމުގެ ސައިޒުގެ ކުޑަކަމުން، އުނގޫފާރުގެ ބިން ހިއްކައި ބޮޑުކުރުމަކީ ކޮންމެހެން ކުރަންޖެހިފައިވާ ވަރަށް ޒަރޫރީ ކަމެއް ކަމަށެވެ. 

އަތޮޅުގެ ވެރިކަންކުރާ ރަށް އުނގޫފާރުގެ ބިން ހިއްކުމާއި ގޮނޑުދޮށް ހިމާޔަތް ކުރުމުގެ މަސައްކަތް އެމްޓީސީސީއާއި ހަވާލު ކުރީ މިދިޔަ 2021 ވަނަ އަހަރުގެ ޖަނަވަރީ 31 ވަނަ ދުވަހުއެވެ. ބިން ހިއްކުމާއި ގޮނޑުދޮށް ހިމާޔަތް ކުރުމުގެ މަޝްރޫއު ހަވާލުކޮށްފައި ވަނީ 240 ދުވަސްތެރޭ ނިންމާގޮތަށް، 75.3 މިލިއަން ރުފިޔާ އަށެވެ. 

އެ މަޝްރޫއުގެ ދަށުން، 10 ހެކްޓަރުގެ ސަރަހައްދެއްގެ ބިން ހިއްކައި، 1150 މީޓަރުގެ ބޮޑު ހިލަ ރިވެޓްމެންޓް ޖަހައި 75 މީޓަރުގެ ސަރަހައްދެއްގައި ގްރޮއިން ގާއިމުކުރާނެއެވެ. 

ނަމަވެސް، މިއިން އެއްވެސް މަސައްކަތެއް އަދި ފަށާފައި ނުވާއިރު އޭގެފަހުން އެގްރީމެންޓްކުރި ރަށްރަށުގެ މަސައްކަތް ވެސް ފެށިގެން ކުރިޔަށް ދާކަން ފާހަގަ ކުރެވެއެވެ. 

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

2 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

ހިންގާލަން 2 years ago

ވައްޑެ ތީ އިދިކޮޅު ޕާޓީގެ މީހެއް މިހާރު. އިބޫ ނުގެންދާނެ ތި ޕްރޮޖެކްޓް ކުރިޔައަކަށް

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

ހުސަިއން 2 years ago

ސީދާ އިންތި ކެމްޕިއަން އަށް ޖެހި ސްޓަންޓެއްމީ

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ