މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: އުނގޫފާރު ރިޖަނަލް ހޮސްޕިޓަލް

އުނގޫފާރު ރީޖަނަލް ހޮސްޕިޓަލްގެ އާ އިމާރާތް ރައީސް ހުޅުވައިދެއްވައިފި

އުނގޫފާރު ރީޖަނަލް ހޮސްޕިޓަލްގެ އާ އިމާރާތް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ހުޅުވައިދެއްވައިފިއެވެ.

ރިޔާސީ އިންތިހާބުގެ ކެމްޕޭނުގައި މިއަދު ރައީސް ޞާލިޙް ވަނީ އުނގޫފާރަށް ވަޑައިގެންފައެވެ. އެ ރަށަށް ވަޑައިގެން އުނގޫފާރު ރީޖަނަލް ހޮސްޕިޓަލްގެ އާ އިމާރާތް ހުޅުވައިދެއްވިއިރު އެ އިމާރާތަކީ ޒަމާނީ ފެންވަރުގެ ސިއްހީ ވަސީލަތްތަކާއެކު ތަރައްގީ ކުރަމުންދާ ހޮސްޕިޓަލެކެވެ. 

ސަރުކާރުން ޓާޝަރީ ފެންވަރަށް ތަރައްގީ ކުރުމަށް ނިންމާފައިވާ ހޮސްޕިޓަލްތަކުގެ ތެރޭގައި ހިމެނޭ މި ހޮސްޕިޓަލުން ދާދި ފަހުންވެސް ވަނީ އެކި ހިދުމަތްތައް ތައާރަފު ކޮށްފައެވެ. އެގޮތުން ހިތުގެ ބަލިތަކަށް ހާއްސަ ޑޮކްޓަރުންގެ ހިދުމަތް ފާހަގަ ކޮށްލެވެއެވެ. 

އުނގޫފާރު ރީޖަނަލް ހޮސްޕިޓަލު ޓާޝަރީ ފެންވަރަށް ގެނައުމުގެ މަސައްކަތުގެ ތެރޭގައި ހިމެނޭ އެކްސްޓެންޝަން އިމާރާތުގެ މަސައްކަތް ރަސްމީކޮށް ފަށާފައިވަނީ މިދިޔަ އަހަރުގެ މާޗު މަހުގައެވެ. މި މަސައްކަތަކީ އެލިއާ އާއި ހަވާލުކޮށްގެން ކުރިއަށް ގެންދިޔަ މަސައްކަތެކެވެ. 
 
އުނގޫފާރު ހޮސްޕިޓަލާ ގުޅޭ ގޮތުން ހެލްތް މިނިސްޓްރީން ބުނީ މި އިމާރާތުގެ ތިރީބައިގައި 10 އެނދުގެ އެމަޖެންސީ ޔުނިޓެއް، ރޭޑިއޮލޮޖީ ޑިޕާރޓްމަންޓުގައި އަލްޓްރާ ސައުންޑް ސްކޭން ކުރަން ދެ ކޮޓަރި، އެކްސްރޭ ނެގުމަށް ހާއްސަ ދެ ކޮޓަރި، ސީޓި ސްކޭނު ކޮޓަރިއެއްގެ އިތުރުން އެމްއާރްއައި ކޮޓަރިއެއް ހުންނާނެ ކަމަށެވެ.  

މައުލޫމާތު ލިބިފައިވާ ގޮތުގައި އިމާރާތުގެ ފުރަތަމަ ފަންގިފިލާގައި ކަށީގެ ސާޖަރީ ތަކަށް ހާއްސަ އޮޕަރޭޝަން ތިއޭޓަރަކާއި އެހެނިހެން ހާއްސަ ތިއޭޓަރެއް ހުންނާނެއެވެ.

މި ޕްރޮޖެކްޓްގެ ތެރޭގައި ހޮސްޕިޓަލަށް ކަރަންޓު ދިނުމަށް އެ ތަނުގެ ޓެރަސްގައި ވަނީ މި ޕްރޮޖެކްޓްގައި ހިމަނައިގެން 310 ކިލޯވޮޓްގެ ސޯލާޕެނަލް ވެސް ހަރުކޮށްފައެވެ.

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ