މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
މިނިސްޓަރު އިސްމާޢީލް ޝަފީޢު

ލިބޭނެކަމަށް މިނިސްޓަރު ވިދާޅުވި ފަރުނީޗަރު، އާ އަހަރު ފެށޭއިރު ވެސް ނުލިބޭ

ރ. ފައިނު ސްކޫލްގައި އަލަށް އިމާރާތްކުރި 3 ބުރީގެ އިމާރާތުގެ މަސައްކަތް ނިމި އެތަން ބޭނުންކުރަން ތައްޔާރުވެފައިވާއިރު އެތަނަށް ބޭނުންވާ ވަސީލަތްތައް އެޑިޔުކޭޝަން މިނިސްޓްރީން ހަމަކޮށްދީފައި ނުވާކަމުގެ ކަންބޮޑުވުން ފާޅުކުރަން ފަށައިފިއެވެ.

ފައިނު ސްކޫލްގެ ބެލެނިވެރިއަކު ބުނީ، ފައިނު ސްކޫލްގެ އާ އިމާރާތުގެ މަސައްކަތް ނިމި ތަނުގެ ބޭނުންކުރަން ފެށުމަށްޓަކައި އެތަނަށް ބޭނުންވާ ފަރުނީޗަރު ހޯދަން ސްކޫލުން އެކިފަހަރު އެދުމުން ވެސް އަދިވެސް އެކަން މިނިސްޓްރީން ހަމަޖައްސައިދީފައި ނުވާކަމަށެވެ.

އެގޮތުން، ފާހަގަކޮށްލެވޭގޮތުގައި، ރައީސް ޑރ. މުޙައްމަދު މުޢިއްޒު މި އަހަރު ކުރީކޮޅު ފައިނަށް ވަޑައިގެންނެވި ދުވަހު މުއައްސަސާތަކާ އެކު ބޭއްވި ބައްދަލުމުގައި ސްކޫލް ފަރުނީޗަރުގެ ވާހަކަ ފާހަގަކުރުމުން، އެޑިޔުކޭޝަން މިނިސްޓަރު އިސްމާޢީލް ޝަފީއު ވަނީ ކުރިއަށް އޮތް 2 ހަފްތާތެރޭ ފަރުނީޗަރު ލިބިގެންދާނެކަމަށާއި އެތަކެތި މިނިސްޓްރީގައި އެބަހުރިކަމަށް ރައީސްގެ ހާޒިރުގައި ވިދާޅުވެފައެވެ.

ނަމަވެސް، މިހާތަނަށް ވެސް އެތަކެތި މިނިސްޓަރު ފައިނު ސްކޫލަށް ފޯރުކޮށްދީފައެއް ނުވެއެވެ.

ފައިނު ސްކޫލަކީ ޖާގައިގެ ދަތިކަން ވަރަށް ބޮޑު ސްކޫލެކެވެ. އެހެންކަމުން ސްކޫލުގެ ކިޔެވުން އާ އިމާރާތަށް ބަދަލުކުރުމަށް މަސައްކަތް ކުރިނަމަވެސް، މިނިސްޓްރީން ވަސީލަތްތައް ގާއިމުކޮށް ނުދެވުމުންނާއި އިމާރާތުގެ ކޮންޓްރެކްޓަރު ކޮށްދޭންޖެހޭ ބައެއްކަންކަން ހައްލުނުކޮށްދީ ހުރުމުން އާ އަހަރުގެ ކިޔެވުން މާދަމާ ފެށޭއިރު އެތަނަށް ކިޔެވުން ބަދަލު ކުރެވޭގޮތްވަނީ ނުވެފައެވެ.

ހާއްސަ ގޮތެއްގައި ރައީސްގެ ހާޒިރުގައި މިނިސްޓަރު އެގޮތަށް ވިދާޅުވުމަށްފަހު ވެސް ފަރުނީޗަރު ފޯރުކޮށްދީފައި ނުވާތީ ބެލެނިވެރިންދަނީ އެކަމުގެ ކަންބޮޑުވުން ފާޅުކުރަމުންނެވެ.

ފައިނު ސްކޫލްގެ އާ އިމާރާތަކީ މަސައްކަތް ނިންމާ މި އަހަރުގެ ޖެނުއަރީ 13 ގައި ހަވާލުކޮށްފައިވާ ސްކޫލެކެވެ. 

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

1 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

ކައްޒާބު 1 day ago

އަސްލު މައްސަލައަކީ ކަރަންޓް މައްސަލަ، ސުކޫލް ކަރަންޓް މައްސަލައިގައި އެތަނުގެ ކަރަންޓް ޓެސްޓް ކުރުމުގެ ނަމުގައި މީހަކުވަނީ ރުފިޔާތަކެއް ނަގާފައި. ފަހުން ކަރަންޓް ދިނުމަށް ފެނަކައިން ޓެސްޓް ކުރިއިރު ހައްލުކުރަން ޖެހޭ ބައިވަރު ކަންކަން ހުރުމުން އަދިވެސް ވަނީ ކަރަންޓް ނުދީ. މިކަމުގެ ޒިންމާ އެ ރުފިޔާ ނެގި ފަރާތުންވެސް އަދި ކައުންސިލުން ނަގަން ޖެހޭ. ރަށްރަށުގައި ސަރުކާރުން ހިންގާ މިފަދަ ޕްރޮޖެކްޓަށް ބެލުމަށް ހަވާލު ކޮށްފައިވަނީ ރަށުގެ ކައުންސިލަށް.

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ