މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: ޕީއެސްއެމް

ދިގުމުއްދަތެއްގައި ދަޢުލަތަށް ޚިދުމަތް ކުރުމުގެ އިނާމް އާދަމް ޝަރީފަށް އަރުވައިފި

ދިވެހި ދަޢުލަތަށް ދިގު މުއްދަތަށް ޚިދުމަތް ކުރައްވާފައިވާތީ ރައީސުލްޖުމްހޫރިއްޔާ ދެއްވާ ޝަރަފުގެ ބެޖާއި، އައްޑަނަ ރ. ފައިނަށް އުފަން އާދަމް ޝަރީފް އުމަރަށް އަރުވައިފިއެވެ.

އާދަމް ޝަރީފްގެ އެންމެ ބޮޑު ޚިދުމަތެއް ފެނިފައިވަނީ ތަޢުލީމީ ދާއިރާއިންނެވެ. އެގޮތުން ނޭޝަނަލް އިންސްޓިޓިއުޓް އޮފް އެޑިއުކޭޝަން، އެންއައިއީގެ އެންމެ އިސް ވެރިޔާކަމާއި، ސްކޫލްތަކުގެ ހިންގުމުގެ ދާއިރާއިންނާއި، ތައުލީމް އުނގަންނައި ދިނުމުގައިވެސް ގިނަ ޚިދުމަތްތަކެއް އާދަމް ޝަރީފް ކުރައްވާފައިވެއެވެ. އަދި ސިޔާސީ ދާއިރާއަށް ނިކުންނަވާ، އެޑިޔުކޭޝަން މިނިސްޓްރީގެ ސްޓޭޓް މިނިސްޓަރގެ މަޤާމާއި، ރައީސް ޔާމީންގެ ވެރިކަމުގައި ދިފާއީ ވަޒީރުގެ މަޤާމްވެސް އަދާކުރައްވާފައި ވެއެވެ. އަދި ރައްޔިތުންގެ މަޖިލީހުގެ މަޑުއްވަރީ ދާއިރާގެ މެންބަރުކަމަށް ހޮވިވަޑައިގެން މިހާރު ހުންނެވީ އެ މަޤާމުގައެވެ. 

އާދަމް ޝަރީފަކީ، ރ.މީދޫއާއި މާލެއާއި މެލޭޝިއާއާއި އިނގިރޭސި ވިލާތުން ތަޢުލީމު ޙާޞިލު ކުރައްވާފައިވާ ބޭފުޅެކެވެ. މާސްޓަރސް ޙާޞިލު ކުރެއްވީ ޔުނިވަރސިޓީ އޮފް އީސްޓް އެންގްލިއާ އިންނެވެ. އަދި އޮސްޓްރޭލިއާ، ސައުތު އެފްރިކާ، ސައުތު ކޮރެއާ، ޗައިނާ، ތުރުކީ، މެކްސިކޯ، ހަވާއީ، ސަޢުދީ އަރަބިއާ ފަދަ ޤައުމުތަކުގައި ސިޔާސީ އަދި އިޖުތިމާޢީ ދާއިރާއިން ތަޖުރިބާ ހޯއްދަވާފައިވެއެވެ.
މިރޭގެ ރަސްމިއްޔާތުގެ ތެރެއިން --
އާދަމް ޝަރީފު ޢުމަރު ޤައުމަށް ޚިދުމަތް ކުރައްވަން ފައްޓަވާފައިވަނީ 1981 ވަނަ އަހަރު، އުމުރުން އެންމެ 16 އަހަރުގައެވެ. ޓީޗަރުކަމުން ފެށިގެން ޔުނިވަރސިޓީގެ ލެކްޗަރާރކަމާއި ހަމައަށް ކިޔަވައިދެއްވުމުގައި މަސައްކަތް ކުރެއްވިއިރު، މުއައްސަސާތައް ހިންގެވުމާއި ޢިލްމީ އަދި ތާރީޚީ ފޮތްތައް ލިޔުއްވުމާއި ދިރާސާ ކުރެއްވުމުގައި މެދުކެނޑުމެއްނެތި 37 އަހަރު ހޭދަކުރައްވާފައިވެއެވެ.

އާދަމް ޝަރީފު ލިޔުއްވާފައިވާ ފޮތްތަކުގެ ތެރޭގައި ދަރިވަރުންގެ ފެންވަރު ވަޒަންކުރުން، ކްލާސްރޫމް އިންތިޒާމް ކުރުން އަދި މުދައްރިސުންގެ ފަންނީ އޮނިގަނޑު ހިމެނެއެވެ. މީގެއިތުރުން، ރާއްޖޭގެ މުދައްރިސުންގެ ތަޢުލީމުގެ ރިހިފޮތް، ސާސްކަފުގެ 17، ފަދަ ފޮތްތައް އެކުލަވާލުމުގައި ވެސް އާދަމް ޝަރީފު ވަރަށް މުހިންމު ދައުރެއް އަދާކުރެއްވިއެވެ.

ދިވެހިރާއްޖޭގައި ޓީޗަރ ރިސޯސް ސެންޓަރތައް ޤާއިމު ކުރުމާއި ނޭޝަނަލް އިންސްޓިޓިއުޓް އޮފް އެޑިޔުކޭޝަން އުފެއްދުމާއި މަދަރުސީ ތަޢުލީމުގެ ޤައުމީ މަންހަޖު ފަރުމާ ކުރެއްވުމާއި މުދައްރިސުންގެ ފެންވަރު މަތިކުރުމަށް ކޯސްތައް ހިންގުމާއި ބައިނަލްއަޤުވާމީ ކޮންފަރެންސްތައް ބޭއްވުމުގައި އާދަމް ޝަރީފު ވަރަށް މުހިންމު ދައުރެއް އަދާކުރެއްވިއެވެ. ދިވެހި އަސްކަރިއްޔާ ހަރުދަނާ ކުރެއްވުމަށްޓަކައި އާދަމް ޝަރީފު، ފިކުރީ މަޖިލީހެއް އެކުލަވާލައްވައި، ކޮލެޖް އޮފް ޑިފެންސް އެންޑް ސެކިއުރިޓީ ސްޓްޑީޒާއި ނޭޝަނަލް ކައުންޓަރ ޓެރަރިޒަމް ސެންޓަރާއި އިސްކަންދަރު އެއަރ ބޭސް ޤާއިމު ކުރެއްވިއެވެ. ނޮދަން އޭރިއާގެ ހެޑްކުއާޓާޒް ޅ.މާފިލާފުއްޓަށް ބަދަލުކުރެއްވިއެވެ. ސިފައިންނަށް ބޭނުންވާ އިތުރު އިމާރާތްތައް އަޅުއްވައި، ކަނޑުގެ ސަރަހައްދު ބެލެހެއްޓުުމަށް 5 ލޯންޗު ހޯއްދެވިއެވެ. ސީ އެންބިއުލާންސްގެ ޚިދުމަތް ހަރުދަނާކުރައްވައި، ކާރިސާތަކުގައި މީހުންނާއި މުދާ ސަލާމަތް ކުރުމަށް ބޭނުންވާނެ ވަސީލަތްތައް ހޯއްދެވިއެވެ. ސިފައިންގެ ވެލްފެއަރގެ ކަންކަން ރަނގަޅު ކުރެއްވިއެވެ. އަދި ނުރައްކާތެރި އޮޕަރޭޝަންތައް ވަރަށް ގާތުން ބައްލަވައި، ތަޖުރިބާ ކުރެއްވިއެވެ.

ޖުމްހޫރީ ދުވަހުގެ މުނާސަބަތުގައި މިރޭ ބޭއްވި ޚާއްސަ ޖަލްސާގައި، ދިގު މުއްދަތަށް ޚިދުމަތް ކުރެއްވި 117 މީހަކަށްވަނީ އިނާމް ދެއްވާފައެވެ. ކަންދިމާކުރިގޮތުން މިރޭގެ ޖަލްސާގައި އާދަމް ޝަރީފަށް ބައިވެރިވެވަޑައިގެންނެވިފައެއް ނުވެއެވެ.

ގުޅޭ ލިޔުންތައް

މިލިޔުން ކިޔާލުމުން

100%
އުފާވި
0%
ދެރަވި
0%
ހިނިއައި
0%
ރުޅިއައި

3 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

ޢަލީ 3 years ago

މަރުހަބާ ޝަރީފުބެ

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

ދޮށީފިރިހެން 3 years ago

މަރުހަބާ! ވަރަށް ފަހުރުވެރިވޭ.❤️

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

ފައިނު މީހާ 3 years ago

މަރުހަބާ ޝަރީފްބެ. ފައިނު ފަޚްރުވެރިވާ ދަރިއެއް.

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ