މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ޒުވާނުން މިރުސްގަސް އިންދަނީ --

ރ. މީދޫ ފުޓްބޯޅަ ދަނޑުގެ މަސައްކަތް ލަސްވާތީ ޒުވާނުން ނުކުމެ ދަނޑުގައި މިރުސްގަސް އިންދައިފި

ރ. މީދޫގައި ތަރައްޤީ ކުރާ ފުޓްބޯޅަ ދަނޑުގެ މަސައްކަތް ނުނިމި ގިނަ ދުވަސްވަމުން ދާތީ އެރަށު ޒުވާނުން ނުކުމެ އެ ދަނޑުގައި މިރުސް ގަސް އިންދައިފިއެވެ.

އެ ރަށު ޒުވާނުން މިއަދުވަނީ ފުޓްބޯޅަ ދަނޑު އަޅާ ބިމަށް ނުކުމެ ޒުވާނުންގެ ކަންބޮޑުވުންތައް ހާމަކޮށްފައެވެ. އެގޮތުން، އެކި ޝިއާރުތައް ލިޔެފައިވާ ބޯޑުތައް ވެސް ޒުވާނުންވަނީ ގެންގުޅެފައެވެ. 

އެ ޒުވާނުން ގެންގުޅުނު ބައެއް ބެނާތަކުގައި، ދަނޑުގެ ސަބްބޭސްގެ މަސައްކަތް ހަވާލު ކޮށްފައިވާ ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އިން މަސައްކަތް ނިންމުމުގައި ގިނަ ދުވަސްތަކެއް ހޭދަވަމުން ދާތީ އެކަން އަވަސް ކުރުމަށް ވަނީ ގޮވާލާފައެވެ. އަދި އާރްޑީސީގެ މެނޭޖިން ޑިރެކްޓަރ މޫސާ ޢަލީމަނިކު (ވަޑި މޫކޭ) ގެ އިސްތިއުފާއަށް ވެސް ވަނީ ގޮވާލާފައެވެ. 

އަދި ޔޫތު މިނިސްޓަރ އަޙްމަދު މަޚްލޫފާއި ރައީސް އިބްރާހީމް މުޙައްމަދު ޞާލިޙް ޒުވާނުންގެ އަޑު އެއްސެވުމަށް ވެސް ޒުވާނުންވަނީ ގޮވާލާފައެވެ. އަދި ސަބްބޭސްއަށް ބޭނުންވާ ވެލި މި ރާއްޖެއިން ނުލިބުން ވަނީ ޖޯކަކަށް ކަމަށާއި އަދި އާރްޑީސީން މިހާރު ވިސްނުން ގެންގުޅެނީ ދަނޑުގެ ކާނުތައް ނަގާ ދަނޑު ތިރި ކުރުމަށް ކަމަށްވާތީ އެއީ ޒުވާނުން ބޭނުންވާ ގޮތް ނޫން ކަމަށާއި އެ ވިސްނުން ދޫކޮށްލުމަށް ވެސް އެއްވުމުގައި ބައިވެރިވި ޒުވާނުންވަނީ ގޮވާލާފައެވެ. 
ޝުއޫރު ފާޅު ކުރަމުންދާއިރު ދަނޑުގައި މިރުސްގަސް އިންދާފައި --
ރ. މީދޫގައި ޓަރފް ދަނޑެއް އެޅުމަށް ސަބްބޭސްގެ މަސައްކަތް މިދިޔަ 2020 ވަނަ އަހަރުގެ މާރޗް މަސް ތެރޭ ސަރުކާރުން ހަވާލުކުރީ ރޯޑު ޑިވެލޮޕްމަންޓް ކޯޕަރޭޝަން (އާރްޑީސީ) އާއެވެ. 50 ދުވަހުގެ ތެރޭގައި ނިންމަން ހަވާލުކުރި އެ މަސައްކަތް ކޮވިޑުގެ ސަބަބުން މަޑުޖެހުނު ނަމަވެސް 2020 ވަނަ އަހަރުގެ އޮކްޓޯބަރ 19 ވަނަ ދުވަހުވަނީ ސަބްބޭސްގެ ސަރވޭގެ މަސައްކަތް ފަށާފައެވެ. 

ސަބްބޭސްގެ މަސައްކަތް ފެށި ދުވަހު އާރްޑީސީގެ މެނޭޖިން ޑިރެކްޓަރ މޫސާ ޢަލީމަނިކު ފައިނު އޮންލައިންއަށް ވިދާޅުވީ، މިމަސައްކަތް އެކުންފުންޏާއި ޙަވާލު ކޮށްފައިވަނީ 50 ދުވަހުގެ ތެރޭގައި ނިންމުމަށް ކަމަށެވެ. އަދި ކޮވިޑް19 ގެ ސަބަބުން މިމަސައްކަތަށް މަޑުޖެހުމެއް އައިކަމުގައި ވީނަމަވެސް، ކަނޑައެޅިފައިވާ މުއްދަތުގައި މަސައްކަތް ނިންމާލެވޭނެކަމަށް އެދުވަހު ވަނީ ވިދާޅުވެފައެވެ.
 
އާރްޑީސީއާއި ހަވާލުވި ސަބްބޭސްގެ މަސައްކަތް އަހަރެއްހާ ދުވަހަށް ދިގުލައިގެން ގޮސްފައިވާއިރު، މިހާރުވެސް މަސައްކަތް ހުއްޓިފައި އޮންނަތާ 3 މަހެއްހާ ދުވަސް ވެދާނެ
މީދޫގެ ޒުވާނަކު ބުންޏެވެ.
 
މިކަމާއި ގުޅޭގޮތުން އާރްޑީސީ މީދޫ ސައިޓް ސްޕަވައިޒަރ އިއްޔެ ވިދާޅުވީ، މިހާރު މަސައްކަތް ލަސްވާ މައިގަނޑު ސަބަބަކީ ދަނޑަށް އަޅާނެ ވެލި ލިބުމުގައި ދަތިތަކެއް ހުރުން ކަމަށެވެ. 

ގުޅޭ ލިޔުންތައް

މިލިޔުން ކިޔާލުމުން

33%
އުފާވި
33%
ދެރަވި
17%
ހިނިއައި
17%
ރުޅިއައި

6 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

ޙައްސާނު 3 years ago

ސަރުކާރުގެ ނާގާބިލްކަން. އަދި އެބައުޅެއެއްނު ހޮސްޕިޓަލް އަޅަން. ނުވާނެ އެއްކަމެއްވެސް. ފެއިލް ވެފައިވާ ސަރުކާރެއް މީ

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މިރުސް 3 years ago

މޫކޭ އަކީ ކަމެއްވާ މީހެއް ނޫން. ދޭތެރެއަކުން ދަނޑުގެ މަސައްކަތް ދާގޮތް ބަލާލަން މީދޫއަށް އަންނާތި

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މޫސަ 3 years ago

ތިޔަ ދަނޑު ދެން ބަދަލު ކުރާނީ މިރުސް ދަނޑަކަށް

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

ޢަލީ 3 years ago

ޔަގީން. މިއަދުވެސް އެސްޓީއޯ އެގްރި ޓީމުން ގުޅި ކޮންއިރަކުންތޯ މިރުސް ލިބޭނީ އަހަން. ޙެހެ

ހުސެން 3 years ago

އުނގޫފާރު ދަނޑުގައިވެސް މިރުސް ގަސް އިންދަންވީ.

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

ޢަލީ 3 years ago

ދެން ތި ނިމުނީ ނު ކަލޯމެންގެ ގަމާރު ކަމާއޭ

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ