މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: ޒިޔާދު

އުނގޫފާރުގައި ކަރަންޓުގައި ޖެހި ކުއްޖަކު ނިޔާވި މައްސަލާގައި ފެނަކަ ޖޫރިމަނާކޮށްފި

ރ. އުނގޫފާރުގައި އުމުރުން 18 އަހަރުގެ ކުއްޖަކު ކަރަންޓް ޖެހުމުގައި ފެނަކައިގެ އިހުމާލު އޮތް ކަމަށް ކަނޑައަޅައި، އެ ކުންފުނި 50،000 ރުފިޔާއިން ޖޫރިމަނާ ކުރުމަށް ޔުޓިލިޓީ ރެގިއުލޭޓަރީ އޮތޯރިޓީން މިއަދު ނިންމައިފިއެވެ.

އެ އޮތޯރިޓީން މިއަދު ނެރެފައިވާ ބަޔާނެއްގައި ބުނެފައިވަނީ، މި ހާދިސާއާއި ގުޅިގެން ފެނަކަ އާއި އުނގޫފާރު ކައުންސިލުން މައުލޫމާތު ސާފުކޮށް، ކުރި ތަހުގީގުން އެނގުނީ މި ހާދިސާ ހިނގަން މެދުވެރިވީ، މަގު ބައްތިތަކުގައި ހުންނަން ޖެހޭ ބައެއް ސަލާމަތީ ވަސީލަތްތައް ނެތް މަގު ބައްތިއަކަށް ފެނަކައިން ކަރަންޓު ދީފައިވުމުންކަމަށެވެ.

އެގޮތުން އެ ބައްތީގައި އާތު ލީކް ސާކިޓް ބްރޭކް (އީއެލްސީބީ) އާއި މިނިއޭޗާ ސާކިޓް ބްރޭކަރު (އެމްސީބީ) ހަރުކޮށްފައި ނުވާކަމަށާއި ފެނަކައިން ހިދުމަތްދޭ ވަރަށް ގިނަ ރަށްރަށުގައި މަގުބައްތިތައް ހުރީ އީއެލްސީބީ ހަރުކޮށްފައި ނޫންކަމަށެވެ.

ބަޔާނުގައި ބުނީ އެ ރަށު މަގުބައްތިތަކަށް ކަރަންޓު ދިނުމުގައި ހުންނަން ޖެހޭ ސަލާމަތީ ކަންކަމާމެދު ފެނަކަ ކޯޕަރޭޝަން ލިމިޓެޑް އިހުމާލުވުން އޮތްކަމަށް އޮތޯރިޓީން ދެކޭ ކަމަށާއި އެހެންކަމުން ޔުޓިލިޓީ ރެގިއުލޭޓަރީ އޮތޯރިޓީގެ ގާނޫނުގެ ދަށުން 50،000 ރުފިޔާއިން އެ ކުންފުނި ޖޫރިމަނާ ކުރަން ނިންމާފައިވާކަމަށެވެ.

އަދި އެ ފައިސާ ބަންދު ނޫން 30 ދުވަހުގެ ތެރޭގައި އެ އޮތޯރިޓީއަށް ދެއްކުމަށް މިހާރު އަންގާފައިވާ ކަމަށް ބަޔާނުގައި ބުނެފައިވެއެވެ.

މީގެ އިތުރުން ރަށްރަށުގައި އެގޮތަށްހުރި މަގުބައްތިތަކުގެ މައްސަލަތައް ބަލައި މިންގަނޑަށް ނުފެތޭނަމަ 1 މަސް ދުވަހުގެ ތެރޭގައި އެކަން އިސްލާހު ކުރުމަށް އެންގުމަށާއި އެކަން ފުރިހަމަ ނުކުރާނަމަ މަގުބައްތިތަކުން ކަރަންޓް ކަނޑާލުމަށް ވެސް ވަނީ އެދިފައެވެ.

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ