މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: މިހާރު/ ހުސެން ވަހީދު

ރ. އަތޮޅުގެ ދެކުނު ބިތުގައި ޑޮމެސްޓިކް އެއަރޕޯޓެއް - އަޅާ ރަށް އަދި ކަނޑާނާޅާ

ރ. އަތޮޅުގެ ދެކުނު ބިތުގައި ޑޮމެސްޓިކް އެއަރޕޯޓެއް އަޅައިދޭނެ ފަރާތެއް ހޯދަން ފިނޭންސް މިނިސްޓްރީން އިއުލާން ކޮށްފިއެވެ.

ރ. އަތޮޅުގެ ދެކުނު ބިތުގެ އިތުރުން، އިތުރު 5 ރަށެއްގައި އެއަރޕޯޓު އަޅައިދޭނެ ބަޔަކު ހޯދަން ވެސް އެ މިނިސްޓްރީން މިއަދު ވަނީ އިއުލާން ކޮށްފައެވެ. 

ފިނޭންސް މިނިސްޓްރީން މިއަދު ކުރި އިއުލާނުގައި ރ. އަތޮޅުގެ ދެކުނު ބިތުގައި އެއަރޕޯޓު އަޅަނީ ކޮން ރަށެއްގައި ކަމެއް ބުނެފައެއް ނުވެއެވެ. އިއުލާނުގައި ވަނީ، އެއަޕޯޓު އަޅަން ބޭނުންވަނީ ރ. އަތޮޅުގެ ދެކުނު ބިތުގައި ކަމަށާއި ރަށް އަދި ކަނޑަނޭޅޭ ކަމަށެވެ. 

އިއުލާނުގައި ބުނެފައިވަނީ، ރ. އަތޮޅުގެ ދެކުނު ބިތުގައި އަޅާ އެއަރޕޯޓު އެޅުމަށް 23.6 މިލިއަން ޑޮލަރު ހަރަދުވާނެ ކަމަށް އަންދާޒާ ކުރެވޭ ކަމަށެވެ. 
ރ. އަތޮޅުގެ ދެކުނު ބިތުގައި އެއަރޕޯޓެއް އެޅުމަކީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ ވައުދުފުޅެކެވެ.

ނަމަވެސް، ރ. އަތޮޅުގެ ދެކުނު ބިތުގައި އެއަރޕޯޓު އަޅާނެ ރަށަކާމެދު އަތޮޅުގެ ރައްޔިތުންގެ މެދުގައި މިހާރުވަނީ ވަރަށް ބޮޑު ވާދަވެރިކަމެއް އުފެދިފައެވެ.

އެގޮތުން، އަތޮޅުގެ ދެކުނު ބިތުގައި އޮންނަ ބެރިޔަންފަރާއި ފުސްފަރުގައި އެއަރޕޯޓު އަޅަން އަތޮޅުގެ ގިނަބަޔަކު ދަނީ ގޮވާލަމުންނެވެ.

ރައީސް ޔާމީންގެ ސަރުކާރުން ފައިނުގައި ވެސް އެއަރޕޯޓެއް އެޅުމަށް ނިންމާ ސާވޭތައް ފެށިއެވެ. ނަމަވެސް ސަރުކާރު ބަދަލުވެ މިހާރުގެ ސަރުކާރުން ބުނެފައިވަނީ، ފައިނުގައި އެއަރޕޯޓް ނާޅަން ނިންމާފައިވާ ކަމަަށެވެ.

ރ. އަތޮޅުގައި މިހާރު ވެސް އެއަރޕޯޓެއް އޮވެއެވެ. އަދި މި ސަރުކާރުން ރ. އަލިފުށީގައި އަޅަން ނިންމި އެއަރޓާއި އަތޮޅުގެ ދެކުނު ބިތުގައި އަޅާ އެއަރޕޯޓު ހިމަނައިގެން މުސްތަގުބަލުގައި، ރ. އަތޮޅުގައި ޑޮމެސްޓިކް 3  އެއަރޕޯޓު އޮންނާނެއެވެ.

އެއަރޕޯޓު އަޅައިދޭނެ ފަރާތެއް ހޯދަން ދެން އިއުލާނުކުރި ރަށްތަކަކީ، ހދ. މަކުނުދޫ، ށ. ބިލެއްފަހި، ބ. ތުޅާދޫ، ތ. ވިލުފުށި އަދި ފ. މަގޫދޫއެވެ. 

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ