މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
އެއަރޕޯޓް ސާވޭ ހެދުމަށް ސޮއި ކުރުން

ފައިނު އެއާޕޯޓުގެ ކޮންސެޕްޓު ހިއްސާކޮށްފި؛ 21 ގޯތި އަރާ

ފައިނުގައި އެއާޕޯޓު އަޅަން ޕްލޭނިން މިނިސްޓްރީން ހެދި ކޮންސެޕްޓްގައި ވާގޮތުން މީހުން ދިރިއުޅެން ދޫކޮށްފައިވާ 21 ގޯއްޗެއް އެއާޕޯޓަށް އަރާ ކަމަށް ފައިނު ކައުންސިލުން މިރޭ ބުނެފިއެވެ.

ފައިނުގައި އެއާޕޯޓެއް ތަރައްގީކުރުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދުފުޅެކެވެ. 

'ފައިނު އޮންލައިން' އިން ކުރި ސުވާލަކަށް ޖަވާބު ދެއްވަމުން ފައިނު ކައުންސިލްގެ ރައީސް އަޙްމަދު ރިޝްފާނު މިއަދު ވިދާޅުވީ، އެއާޕޯޓުގެ ސާވޭ ޓީމުން އެއާޕޯޓުގެ ކޮންސެޕްޓް ތައްޔާރުކޮށް ކައުންސިލާ ހިއްސާކޮށްފައިވާ ކަމަށެވެ. 

އެ ކުރެހުމުގައި ވާގޮތުން އެއާޕޯޓު އަޅަން ރަށުގެ އިހުތިސާސުން ވަކިކުރާ ބަޔަށް މިހާރު މީހުން ދިރިއުޅޭ ގޯތިތަކާއި ދިރިއުޅެން ދޫކޮށްފައިވާ 21 ގޯތި އަރާ ކަމަށް އޭނާ ވިދާޅުވިއެވެ. 
އެކަމަކު، އެއީ ފައިނަލް ކުރެހުން ނޫން ކަމަށާއި ކަމާ ގުޅުންހުރި އިދާރާތަކާ އެކު ޕްލޭނިން މިނިސްޓްރީން މަޝްވަރާތައް އަދި ކުރިއަށް ގެންދާނެކަމަށް އޭނާ ވިދާޅުވިއެވެ.

"ސާވޭ ޓީމުން ކައުންސިލަށް ކުރެހުން ހިއްސާކުރުމަށް ފަހު، ރައްޔިތުންނާއި ކައުންސިލްގެ ކަންބޮޑުވުންތަކާ ގުޅިގެން ބަދަލުތައް ގެނެވޭތޯ ޖެހޭނީ ބަލަން ކަމަށް ބުނީ،" އޭނާ ވިދާޅުވިއެވެ.

ރިޝްފާން ވިދާޅުވީ، ރައްޔިތުންގެ ހިޔާލާ އެއްގޮތަށް ކުރެހުމަށް ބަދަލު ގެނެވޭތޯ މަސައްކަތްކުރާނެ ކަމަށް ސާވޭ ޓީމުން ބުނި ނަމަވެސް އެއާޕޯޓު އިތުރަށް ފުއްޓަރު ފަރާތަށް ޖެއްސުމަކީ އެންމެ ރަނގަޅު ގޮތް ނޫން ކަމަށް އެ ޓީމުން ބުނި ކަމަށެވެ. 

"މާ ބޮޑަށް ޝޯ އޭރިއާއާ ގާތްވީމާ، އަބަދު ވެސް އޮންނާނީ މެއިންޓެނަންސް ކޮށްކޮށް ކަމަށް ޓީމުން ބުނީ،" އޭނާ ވިދާޅުވިއެވެ.

ރަށުގެ އިރުމަތީ ފަރާތުން ނަގަންޖެހޭ ގެވަޅުތައް ރަށުގެ ހުޅަނގު ފަޅިން ގޯތި ދޫކުރަން ހުރި ބިންތަކަށް ބަދަލުކުރަންޖެހޭކަން ފާހަގަކުރައްވައި އޭނާ ވިދާޅުވީ، ހުޅަނގު ފަރާތުން އާރްއޯ ޕްލާންޓާއި ލޭންޑް ޔޫސް ޕްލޭންގައިވާ މިސްކިތާއި އަދި އިރުމަތީ ފަޅިން ނަގަންޖެހޭ ބިންތަކަށް ޖާގަ ދިނުމުން މިހާރު ގޯތި ދޫކުރަން ހުރި ބިންތަކުން ގޯތި ދޫކުރަން ދަތިވާނެ ކަމަށެވެ.

އޭނާ ވަނީ އެ ކަމުގައި ރައްޔިތުން ގޮތް ނިންމަން އެދިވަޑައިގެންފައެވެ. 

"ގާތްގަނޑަކަށް 1992 ވަނަ އަހަރުން ފެށިގެން އަބަދު ވެސް [އެއާޕޯޓުގެ] ވިސްނުން އޮންނާތީ ރަށުގެ ދެކުނު ފަޅީގެ ބޭނުމަށް އިތުރު ޕްލޭނެއް ނުކުރެވި އޮންނަނީ،" އޭނާ ވިދާޅުވިއެވެ.

އެހެންވެ، އެއާޕޯޓާ މެދު ރައްޔިތުން ގޮތެއް ނިންމުމަކީ ކައުންސިލްގެ ޕްލޭންތައްކޮށް ހިންގަން ވެސް ލުއިވާނެ ކަމެއް ކަމަށް އޭނާ ފާހަގަކުރެއްވިއެވެ. 

ސަރުކާރުން ވަނީ ފައިނު އެއާޕޯޓުގެ މަސައްކަތް އެމްޓީސީއާ ހަވާލުކޮށްފައެވެ. ރައީސް މުއިއްޒު ވަނީ ދެން ފައިނަށް ވަޑައިގަންނަވާނީ އެއާޕޯޓުގެ މަސައްކަތް ނިންމާފައި ކަމަށް އެ ރަށަށް ކުރެއްވި ދަތުރުފުޅުގައި ވިދާޅުވެފައެވެ.

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
100%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ