މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: ޕީޕީއެމް

ރައީސް ޔާމީން ދުވާފަރަށް ވަޑައިގެންފި

އަޙުމަދު އިނާހް

ރާއްޖޭގެ އެކި ކަންކޮޅުތަކުގައި ތިބި އިންޑިއާގެ ސިފައިން ބޭރު ކުރުމަށް ގޮވާލާ އިދިކޮޅު ކޯލިޝަނުން ކުރިޔަށް ގެންދާ "އިންޑިއާ އައުޓް" ކެމްޕޭންގެ ހަރަކާތަކަށް އިދިކޮޅު ލީޑަރ ރައީސް އަބްދުﷲ ޔާމީން އަބްދުލްގައްޔޫމް ދުވާފަރަށް ވަޑައިގެންފިއެވެ.

އިދިކޮޅު ޕީޕީއެމް އިން މައުލޫމާތު ދީފައިވާ ގޮތުގައި މިއަދު ހަވީރުގެ ވަގުތެއްގައި ރައީސް ޔާމީން ވަނީ ދުވާފަރަށް ވަޑައިގަންނަވާފައެވެ. ދުވާފަރުން އެމަނިކުފާނަށް ވަނީ ހޫނު މަރުހަބާއެއް ދަންނަވާފައެވެ. 

އަދި މިއަދު އެ ރަށުގައި ވަނީ ހިނގާލުމެއް ބާއްވާފައެވެ. ހިނގާލުމުގައި ރައީސް ޔާމީން ވަނީ ބައިވެރިވެވަޑައިގެން ވާހަކަފުޅު ދައްކަވާފައެވެ. ގިނަ އަދަދެއްގެ ރައްޔިތުން ބައިވެރިވި މި ހިނގާލުމުގައި ކައިރި ރަށްރަށުން ވެސް މީހުން ވަނީ ބައިވެރިވެފައެވެ. 

ރެލީގައި ވާހަކަ ދައްކަވަމުން ރައީސް ޔާމީން ވިދާޅުވީ، އިންޑިއާއަށް ދަންނަވަން ބޭނުންވާ ވާހަކައަކީ، ރާއްޖޭގައި އިންޑިއާ ސިފައިން ތިބުމަކީ ދިވެހިން އެދޭ ގޮތް ނޫން ކަމަށެވެ. 

އަޅުގަނޑު މި ދަންނަވަނީ ގައުމުތަކާއެކު ރަހުމަތްތެރިކަން ވެސް ބާއްވަންވީއޭ. އިހުތިރާމާއެކީ ބާއްވަންވީ. އެކަމަކު އެއްގައުމު އަނެއް ގައުމުގެ ދާހިލީ ކަންކަމަކާ ނުބެހެވޭނެ. އެއްގޮތަކަށް ވެސް އިންޑިއާއެއް ނޫން ގޯހީ. އިންޑިއާ އަސްކަރިއްޔާ މިގައުމުގައި ތިބުން ގޯސްވެގެން މިއުޅެނީ

ރައީސް ޔާމީން ވިދާޅުވިއެވެ.
އެރަށުގައި ބޭއްވި ރެލީގެ ތެރެއިން- ފޮޓޯ: ޕީޕީއެމް
ރައީސް ޔާމީން ވަނީ ވާހަކަ ނިންމަވައިލައްވަމުން ރާއްޖޭގެ އަމާންކަން ދެމެހެއްޓެވުމަށާއި، މިގައުމަކީ މިނިވަން އަދި އެއްބައިވަންތަ ގައުމެއްކަމުގައި ލެއްވުމަށް އެދި ދުއާ އެއްވެސް ކުރައްވާފައެވެ.

ފާހަގަ ކޮށްލެވޭގޮތުގައި ރައީސް ޔާމީން މިނިވަންވެވަޑައިގެންނެވި ފަހުން "އިންޑިއާ އައުޓް" ހަރަކާތް ވަނީ އިތުރަށް ފުޅާވެގެން ގޮސްފައެވެ. އެގޮތުން އެމަނިކުފާނު ވަނީ ކ. ގުރައިދޫ އާއި ކ. ތުލުސްދޫ، ށ. ފުނަދޫ ގެ އިތުރުން ފ. ނިލަންދޫގައި ވެސް އިންޑިއާ އައުޓް ހަރަކާތް ކުރިއަށް ގެންގޮސްފައެވެ. 

ރާއްޖޭގައި ތިބި އިންޑިއާގެ ސިފައިން މިގައުމުން ބޭރުކުރުމަށް ގޮވާލާ އިދިކޮޅު ލީޑަރ ރައީސް ޔާމީންގެ އިސްނެންގެވުމުގެ މަތިން ކުރިޔަށް ގެންދަވާ "އިންޑިއާ އައުޓް" ހަރަކާތަށް އަންނަނީ ވަރަށް ބޮޑު ތަރުހީބެއް ލިބެމުންނެވެ. 

އެހެންނަމަވެސް "އިންޑިއާ އައުޓް" ކެމްޕޭނާއި ގުޅިގެން ސަރުކާރު ހިންގާ މައި ޕާޓީ އެމްޑީޕީން އަންނަނީ ނުރުހުން ފާޅު ކުރަމުންނެވެ. އަދި އެ ކެމްޕޭންގެ ސަބަބުން ދެގައުމުގެ ދެމެދުގައި އޮތް ގުޅުން ހީނަރުވާނެ ކަމަށް އެޕާޓީން އަންނަނީ ބުނަމުންނެވެ. 

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ