މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: ވަގުތު.އެމްވީ

ކޮލަމް: ޒަމާންވީ ބޮޑު ކުލީގެ ޙައްލަކީ "ކޮތަރު ކޮށިތައް"؟

އަޙުމަދު އިނާހް

މިހާރު އެންމެ ގަދަޔަށް ކުރެވޭ ބަހުސަކީ ހިޔާ ފްލެޓުތަކާއި ގުޅުވައިގެން ކުރެވޭ ބަހުސެވެ. ހިޔާ ފްލެޓުތަކަކީ ކުރީގެ ރައީސް ޔާމީންގެ ސަރުކާރުގެ މަޝްރޫއެކެވެ. ޗައިނާގެ ކުންފުންޏަކާއި ހަވާލުކޮށްގެން ހުޅުމާލޭ ދެވަނަ ފިޔަވަހީގައި ކުރިއަށްގެންދާ އެ މަޝްރޫއަކީ ބޮޑު އިސްރާފެއް ކަމަށް މިހާރުގެ ވެރިކަން ކުރާ މައި ޕާޓީ އެމްޑީޕީގެ އިސް ސަފުގައި މަސައްކަތް ކުރާ އެތައް ބަޔަކު ތަކުރާރުކޮށް އަންނަނީ ބުނަމުންނެވެ.

މި މަޝްރޫއު އަކީ ޗައިނާގެ އެގްޒިމް ބޭންކުން 437 މިލިއަން ޔޫއެސް ޑޮލަރުގެ ލޯނެއްގެ އިތުރުން، ސަރުކާރުން ސޮވެރިން ގެރެންޓީ ދީގެން ކުރިޔަށް ގެންދިޔަ މަޝްރޫޢެކެވެ. މި ލޯންގެ %15 އަނބުރާ ދެއްކުމަށް 15 އަހަރު ވަނީ ދީފައެވެ. މީގެ އިތުރުން ބާކީ އޮތް ބައި އިތުރު 15 އަހަރު ތެރޭގައި ދައްކާ ހަލާސް ކުރަން ޖެހެއެވެ. މި ފުލެޓް ތަކަކީ ދަރަނީގެ ދަންތުރަ ތަކެއް ކަމަށްވެސް ބައެއް ފަރާތްތަކުން ސިފަ ކުރެއެވެ. 

ނަމަވެސް ރާއްޖޭގައި މިއޮންނަ ޒަމާންވީ ބޮޑު ކުއްޔާއި ގެދޮރުގެ ދަތި ކަމަށް އެންމެ އެކަށޭނެ ހައްލުގެ ފެށުމަކަށް ވެގެން ދާނީ މި ފްލެޓް ތަކެވެ. މީގެ ކުރިންވެސް އަދި މިހާރުވެސް އަޅުގަނޑު ގަބޫލު ކުރަނީ ބޯހިޔާވަހި ކަމުގެ ހައްލަކީ އިޤްތިޞާދީ ހައްލެއް ކަމުގައެވެ. އަދި އެފަދަ ހައްލެއް ލިބުމަށް އެންމެ އުންމީދީ އެއް މަޝްރޫޢަކީވެސް ހިޔާ ފްލެޓްތަކުގެ މަޝްރޫޢެވެ. ކުދި ކުދި ކޮށި ތަކުގައި 12، 16 މީހުން 15، 16 ހާހަށް ދިރިއުޅެމުން އަންނަ އާއިލާތަކަށް މިއީ ހަމަ ޔަގީނުންވެސް ލުޔެކެވެ. 

މި ފްލެޓްތައް ދޫކުރަން ކުރީ ސަރުކާރުން ނިންމާފައިވާ އަގަކީ -/5600 ރުފިޔާއެވެ. މިހެން ކަމުން މި އުސް ޓަވަރުތަކަށް އެތައް އާއިލާއެއް ބަދަލުވުމުގެ ސަބަބުން، ކުދިކުދި ކޮތަރު ކޮށި ކޮށީގެ އަގު ދަށް ކުރަން އެފަރާތްތަކަށް މަޖުބޫރު ވާނެއެވެ. މި ކަމުގައި ސަބަބުން މުސްތަޤްބަލުގައި ކުލީގެ އަގަށް އެކަށޭނެ ހައްލެއް ލިބޭނެއެވެ.

އެޗްޑީސީއިން ލަފާ ކުރާ ގޮތުގައި ކޮންމެ އެޕާޓްމެންޓެއްގައި 5 މީހުން އުޅޭނެއެވެ. އެއީ ފްލެޓެއްގައި 2000 އެއްހާ މީހުންނެވެ. މިގޮތުން ޖުމުލަ ހިޔާ ފްލެޓް ތަކުގައި 38400 މީހުން އުޅޭނެ ކަމަށް އެޗްޑީސީއިން ލަފާކުރެއެވެ. މާލޭގެ އާބާދީ އަށް ބަލާއިރު މި އަދަދު ތަކުގެ ސަބަބުން ގިނަ ނިކަމެތި އާއިލާތަކަކަށް ބޮޑު ލުޔެއް ލިބިގެން ދާނެއެވެ. 

މިފަދައިން ސަރުކާރުން ގިނަ ބަޔަކަށް އުޅެވޭ ފަދަ ފްލެޓްތައް އަޅަމުން ގެންދާ ނަމަ، ކުލި ކުޑަ ކުރަން މަޖުބޫރު ވާނެއެވެ. ހިޔާ މަޝްރޫޢު އަކީ ހެޔޮ ފާލެކޭ ބުނީ މިސަބަބަށް ޓަކައެވެ. އުއްމީދަކީ ކުލީގެ މައްސަލައަށް އެކަށޭނެ ހައްލެއް ލިބިގެން ދިއުމެވެ.  

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
100%
ހިނިއައި
0%
ރުޅިއައި

1 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

ޙަސަނު 4 years ago

މަޖުބޫރުވީމަ ޖެހޭނީދާންތާ. ކޮތަރުކޮށި ތަކުގަތިބީ ތިބޭހިތަކުންނޫން. އެހެންގޮތެއް ނެތީމަ މަޖުބޫރުވެގެން ތިބެން ޖެހުނީ. އަހަރުމެނަށް ހައްގުވާމިންވަރަކީ ކޮތަރުކޮށި ސައިޒު ނޫން. ދިވެހީންނަށް މިހާލުޖެއްސީ ސަރުކާރުތަކުން. ޟަޖުބޫރުވީމަ ތިހިޔާފްލެޓަށްވުރެ ދަތިތަންތަނަށްވެސް ދާނެ. ދިވެހިރައްޔަތުންނަށް ހައްގުވާ މިންވަރަކީ އެއީއެއް ނޫން.

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ