މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: ވާދޫ ލައިވް

ރ. ވާދޫގައި މީދާ ހިފުމުގެ މުބާރާތެއް ބާއްވަނީ

މީދާ ހިފުމުގެ މުބާރާތެއް ރ. ވާދޫގައި ކުރިޔަށް ގެންދަން ނިންމާ އެކަން ކައުންސިލުން އިޢުލާން ކޮށްފިއެވެ.

ވާދޫ ކައުންސިލްގެ ރައީސް ޙުސައިން ޢަލީ "ފައިނު އޮންލައިން" އަށް ވިދާޅުވީ މީދާ ހިފުމުގެ ހަރަކާތްތައް އެރަށުގައި ކޮންމެ އަހަރަކު ވެސް ކުރިޔަށް ގެންދާ ކަމަށެވެ. ނަމަވެސް މުބާރާތެއްގެ ގޮތުގައި މިކަން ކުރިޔަށް ގެންދާ މިއީ ފުރަތަމަ ފަހަރު ކަމަށް ޙުސައިން ވިދާޅުވިއެވެ.

ވާދޫއަކީ އެއްގޮތަކަށް ވެސް ބުޅާ އުޅޭ ރަށެއް ނޫނެވެ. އެހެންކަމުން މީދާ ނައްތާލަން ޖެހިފައި އޮންނަނީ މިފަދަ ގޮތަކަށް ކަމަށް ވެސް އޭނާ ވިދާޅުވިއެވެ.


މި ފަހަރު ހަމައެކަނި ތަފާތަކީ މުބާރާތެއް ގޮތަށް މިކަން ކުރިޔަށް ގެންދިޔުން، މީގެ ކުރިންވެސް ރައްޔިތުން ނުކުމެ މީދާ ބޭސްލާ މީދާ މެރުމުގެ މަސައްކަތް ކުރަނީ
ކައުންސިލްގެ ރައީސް ޙުސައިން ވިދާޅުވިއެވެ.

މި މުބާރާތުގައި އެއް ވަނަ އަށް ދާ މީހަކަށް 3،000ރ. ދޭން ވަނީ ނިންމައިފއެވެ. ދެ ވަނަ އަށް 2،000ރ. އަދި ތިން ވަނަ އަށް 1،000ރ. ދޭގޮތަށް ވަނީ ހަމަޖައްސާފައެވެ. މިއަންނަ ބުރާސްފަތި ދުވަހު ބާއްވާ މި މުބާރާތުގައި ބައިވެރިވެވޭނީ ހަމައެކަނި ވާދޫގައި ދިރިއުޅޭ މީހުންނަށެވެ.

އަދި ވަނަތައް ހޮވުމުގައި މީދާ ހިފާ އަދަދުތަކަށް ބެލުމަށް ހަމަޖެހިފައިވާއިރު މި މުބާރާތުގައި އެއް ވަނަ ލިބޭނީ 200 އަށް ވުރެ ގިނަ މީދާ ހިފައިގެންނެވެ. ދެ ވަނަ ލިބެނީ 150 މީދާ ހިފައިގެނެވެ. އަދި ތިން ވަނަ ލިބޭނީ 100 މީދާ ހިފުމުންނެވެ. 

އާންމު ގޮތެއްގައި ބުޅަލަކީ މީދާ ކާ ޖަނަވާރެއްކަމަށްވާތީ ބުޅާ އުޅޭ ރަށްރަށުގައި މީދަލުގެ އުނދަގޫ އެހާ ބޮޑެއް ނުވެއެވެ. 


ހިޔެއްނުވޭ މިރަށަށް ބުޅާ ގެންނަން މިރަށު ރައްޔިތުން ގަބޫލު ވާނެހެނެއް. ކީއްކުރަން ގެންނަ އެއްޗެއްތޯއެއީ، ފައިދާއެއް ނުވެއެއްނުތޯ
ވާދޫއަށް ބުޅާ ގެންދިޔުމުގެ ވިސްނުމެއް އެބަހުރިތޯ ސުވާލުކޮށްލުމުން ޙުސައިން ވިދާޅުވިއެވެ. 

ރ. ވާދޫ އަކީ މީގެ އެތައް އަހަރެއް ކުރިން ފެށިގެން ބުޅާ ނޫޅޭ ރަށެކެވެ. ވާދޫގައި އެންމެ ފަހުން ބުޅާ ގެންގުޅުނު އިރެއް ސީދާ ސާފުކޮށް އެނގޭކަށް ނެތެވެ. މިކަމުގައި ދެބަސްވުންތައް ހުރި އިރު، ރ. ވާދޫ ކައުންސިލްގެ ރައީސް ހުސައިން އަލީ މީގެ ކުރިން ވިދާޅުވެފައި ވަނީ ވާދޫގައި ބުޅާ އެންމެ ފަހުން ގެންގުޅެފައި ވަނީ 1980 އަހަރުތަކަށް ވުރެ ވެސް ކުރީކޮޅުގައި ކަމަށެވެ. 

ނަމަވެސް، ވާދޫގެ ބައެއް މީހުން ބުނާ ގޮތުގައި، އޭގެ ފަހުން ވެސް ވާދޫގައި ބުޅާ ގެންގުޅެފައި ވެއެވެ. ވާދުގައި ބުޅާ ނޫޅޭ ނުވަތަ ނުގެންގުޅޭ ސީދާ ސަބަބެއް ވެސް ސާފެއް ނޫނެވެ. އެނގޭ ކަމަކީ ރައްޔިތުންގެ މެދުގައި މީގެ ޒަމާންތަކެއް ކުރިން ވެވުނު އެއްބަސްވުމަކާއެކު، ވާދޫގައި ބުޅާ ގެންގުޅުން ވަނީ ނުރަސްމީކޮށް ”މަނާ“ ކޮށްފައެވެ. އަދި ކުރިން އެރަށުގައި އުޅުނު ބުޅާތައް ވެސް ކައިރި ފަޅުރަށަކަށް އެޅިކަމަށް އެރަށުގެ އިސް ރަށްވެހިން ބުނެއެވެ.

އަދިވެސް ރައްޔިތުންގެ ތެރޭން ގިނަ ބަޔަކު ތިބީ ހަމަ އެ ގޮތުގައެވެ. 

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ