މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: ރައީސް އޮފީސް

ފުޓްބޯޅަ ދަނޑު ލަސްވާތީ އުނގޫފާރު ކައުންސިލްގެ ބަޔާނެއް؛ ސަރުކާރުގެ އެއްބާރުލުމެއް ނުލިބޭ!

ރ. އުނގޫފާރުގައި ތަރައްގީކުރަން ފަށާ ހުއްޓިފައި އޮންނަތާ އެތައް އަހަރެއް ވެފައިވާ ފުޓްބޯޅަ ދަނޑުގެ މަސައްކަތް އަލުން ނުފެށި ދިގުލައިގެން ދާތީ އެކަމުގައި ސަރުކާރުގެ އަޅާލުމެއް ނެތްކަމަށް ބުނެ އެ ރަށު ކައުންސިލުން ބަޔާނެއް ނެރެފިއެވެ.

އިއްޔެ އެ ކައުންސިލުން ނެރުނު ނޫސްބަޔާނެއްގައި ވަނީ ފުޓްބޯޅަ ދަނޑުގެ މަސައްކަތް އަލުން ފެށޭތޯ އެ ކައުންސިލުން ކޮށްފައިވާ މަސައްކަތާއި، ރައީސް ޑރ. މުޙައްމަދު މުޢިއްޒުގެ އިތުރުން އެ ދާއިރާގެ މަޖިލިސް މެންބަރު، ސްޕޯޓްސް މިނިސްޓަރު މުޙައްމަދު ރާފިއު އަދި ސިޔާސީ ބައެއް ބޭފުޅުން ދެއްކެވި ވާހަކަތަކުގެ ހަގީގަތެއް ނެތްކަމަށް ބުނެ އެވާހަކަތައް ތަފުސީލުކޮށް ހާމަކޮށްފައެވެ.

އެގޮތުން، ވެރިކަމާ ހަވާލުވެވަޑައިގެން ރައީސް އެ ރަށަށް ވަޑައިގެންނެވި ދެ ފަހަރު ވެސް ފުޓްބޯޅަ ދަނޑުގެ ވާހަކަ ދަންނަވާފައިވާއިރު، އުނގޫފާރުގައި ފީފާ ސްޓޭންޑަރޑްގެ ދަނޑެއް ތަރައްގީ ކޮށްދެއްވާނެކަމަށް ވައުދުވެވަޑައިގެންފައިވާކަން ބަޔާނުގައި ފާހަގަ ކޮށްފައިވެއެވެ.
Ungoofaaru football dhandu nunimunu, Zuvaanun bunee dhen nuthibeveyne kamah
Fainu Online
ނަމަވެސް މިހާތަނަށް އެކަމުގެ އެއްވެސް އަމަލީ މަސައްކަތެއް ފެށިފައި ނުވާކަމަށާއި، ސަރުކާރުގެ އެކި ބޭފުޅުން ވިދާޅުވަމުންދާ ވާހަކަތަކަށް އަމަލީ ސިފަ ނާންނަކަން ފާހަގަކޮށްފައިވެއެވެ.

އޭގެ އިތުރުން، މަޖިލީހުގައި ސްޕޯޓްސް މިނިސްޓަރު އަރިހުން ދަނޑުގެ ވާހަކައިގައި ސުވާލު ކޮށްލުމަށް ލިބުނު ފުރުސަތުގައި އެ ދާއިރާގެ މަޖިލިސް މެންބަރު ސުވާލުވެސް ކޮށްލައްވާފައި ނުވާތީ އެ ރަށު ކައުންސިލުން ވަނީ އެކަން ކުށްވެރި ކުރައްވާފައެވެ.

ހަމައެގޮތަށް ސްޕޯޓްސް މިނިސްޓަރު ރާފިއު އާއެކު ޖެނުއަރީ މަހުގެ ތެރޭގައި ބޭއްވުނު ބައްދަލުވުމުގައި 2 މަސް ދުވަހުގެ ތެރޭގައި މަސައްކަތް ފެށޭނެ ކަމަށް ވިދާޅުވިނަމަވެސް އަދިވެސް އެ މަސައްކަތް ފެށިފައި ނުވާކަމީ ޒުވާނުންގެ ބޮޑު ކަންބޮޑުވުމެއްކަމަށް ބަޔާނުގައިވެއެވެ.

އުނގޫފާރު ކައުންސިލުން ބުނީ، ފީފާ ސްޓޭންޑަރޑަށް ދަނޑު ތަރައްގީ ކޮށްދެއްވާނެކަމަށް ވިދާޅުވެފައި އޮއްވާ، ސަރުކާރުން އެކި ރަށްރަށުގައި ފަށާފައިވާ 580 މަޝްރޫއެއް ހާމަކުރައްވާފައިވާއިރު އޭގެ ތެރޭގައި ވެސް އެ ދަނޑުގެ މަސައްކަތް ހިމެނިފައި ނެތްކަމަށެވެ.
“މިކަމުގެ ސަބަބުން ރައްޔިތުންގެ ހިތްތަކުގައި ރައީސް ޑރ. މުޙައްމަދު މުޢިއްޒުގެ ސަރުކާރާ މެދު އޮތް ލޯބި ފަނޑުވުމަށް އެޅުނު އިތުރު ރޮނގެއްކަމުގައި ދަންނަވަމެވެ. އަދި ރިޔާސީ އިންތިހާބާއި 20 ވަނަ ރައްޔިތުންގެ މަޖިލީހުގެ އިންތިހާބުގައި އުނގޫފާރުގެ އެންމެހާ ޒުވާނުންނާއި ރައްޔިތުންގެ ނިންމުމާ މެދު ކަންބޮޑުވެ ސުވާލު އުފައްދަމުން ގެންދާ އުނގޫފާރުގެ ޒުވާނުންނާއި ރައްޔިތުންގެ ކަންބޮޑުވުމާއި އުފައްދަމުން ގެންދާ ސުވާލުތަކަށް އަމަލީގޮތުން ޖަވާބު ދެއްވައި، ނުފުއްދި އޮތް ރިޔާސީ ވައުދެއްގެ ގޮތުގައި އޮތް ދަނޑުގެ އަމަލީ މަސައްކަތް ވީ އެންމެ އަވަސް މުސްތަގުބަލެއްގައި ފައްޓަވައިދެއްވުމަށް ކަމާ ގުޅުންހުރި އެންމެހާ ފަރާތްތަކަށް ގޮވާލަމެވެ” އުނގޫފާރު ކައުންސިލްގެ ބަޔާނުގައި ވެއެވެ.

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ