މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: ވާދޫ ލައިވް

ފުޓްސަލް މުބާރާތް ނުބާއްވާ މީދާ ހިފުމުގެ މުބާރާތް ބާއްވާތީ ވާދޫ ޒުވާނުން އިހުތިޖާޖުކޮށްފި

ރ. ވާދޫގައި އެ ރަށު ކަައުންސިލުން ޒުވާނުންނަށް ފުޓްސަލް މުބާރާތެއް ބާއްވައިނުދީ، މީދާ ހިފުމުގެ މުބާރާތެއް ބާއްވާތީ އެރަށު ޒުވާނުން އިހުތިޖާޖުކޮށްފިއެވެ.

އެ ރަށު ޒުވާނުންގެ ބަޔަކު މިރޭވަނީ އެކަމާއި ދެކޮޅަށް އިހުތިޖާޖު ކުރުމުގެ ގޮތުން ކައުންސިލް އިދާރާ ކައިރިއަށް އެއްވެފައެވެ. ޒުވާނުން ނުކުމެ ކައުންސިލް އިދާރާ ކައިރީ އިހުތިޖާޖު ކޮށްފައިވަނީ ކައުންސިލާއި ދެކޮޅަށް ބައެއް ލިޔުންތައް ވެސް ހިފައިގެނެވެ.
ޒުވާނުން އިހުތިޖާޖު ކުރަނީ - ފޮޓޯ: ވާދޫލައިވް
އެގޮތުން، ޒުވާނުން ބޭނުންވަނީ ފުޓްސަލް މުބާރާތެއް ކަމަށާއި ޒުވާނުން ބޭނުންވަނީ މީދާ މުބާރާތެއް ނޫން ކަމަށް އޭގެ ބައެއް ލިޔުންތަކުގައި ބުނެފައިވެއެވެ. އަދި ކައުންސިލްގެ މެޖޯރިޓީ، ފުޓްސަލް މުބާރާތަކަށް ނުލިބި މީދާ މުބާރާތަކަށް ލިބިއްޖެ ކަމަށް ވެސް ބައެއް ޒުވާނުން ގެންގުޅުނު ލިޔުންތަކުގައި ވެއެވެ. 

އެރަށު ޒުވާނުން އިހުތިޖާޖުކޮށްފައި މިވަނީ، އެރަށުން މީދާ މަދުކުރުމަށް ކައުންސިލުން މުބާރާތެއް ކުރިޔަށް ގެންދަން ނިންމާ އެކަން މިއަދު އިޢުލާން ކޮށްފައިވަނިކޮށެވެ. 
R. Vaadhoo ga meedhaa hifumuge mubaaraatheh baavvanee
Fainu Online
މިއަދު އިއުލާން ކުރި މީދާ ހިފުމުގެ މުބާރާތާއި ގުޅިގެން ވާދޫ ކައުންސިލްގެ ރައީސް ޙުސައިން ޢަލީ "ފައިނު އޮންލައިން" އަށް ވިދާޅުވީ މީދާ ހިފުމުގެ ހަރަކާތްތައް އެރަށުގައި ކޮންމެ އަހަރަކު ވެސް ކުރިޔަށް ގެންދާ ކަމަށެވެ. ނަމަވެސް މުބާރާތެއްގެ ގޮތުގައި މިކަން ކުރިޔަށް ގެންދާ މިއީ ފުރަތަމަ ފަހަރު ކަމަށް ޙުސައިން ވިދާޅުވިއެވެ. 

އެ ރަށު ކައުންސިލުން ރާވާފައިވާ މީދާ ހިފުމުގެ މުބާރާތުގައި އެއް ވަނަ އަށް ދާ މީހަކަށް 3،000ރ. ދޭން ވަނީ ނިންމައިފއެވެ. ދެ ވަނަ އަށް 2،000ރ. އަދި ތިން ވަނަ އަށް 1،000ރ. ދޭގޮތަށް ވަނީ ހަމަޖައްސާފައެވެ. މިއަންނަ ބުރާސްފަތި ދުވަހު ބާއްވާ މި މުބާރާތުގައި ބައިވެރިވެވޭނީ ހަމައެކަނި ވާދޫގައި ދިރިއުޅޭ މީހުންނަށެވެ.

އަދި ވަނަތައް ހޮވުމުގައި މީދާ ހިފާ އަދަދުތަކަށް ބެލުމަށް ހަމަޖެހިފައިވާއިރު މި މުބާރާތުގައި އެއް ވަނަ ލިބޭނީ 200 އަށް ވުރެ ގިނަ މީދާ ހިފައިގެންނެވެ. ދެ ވަނަ ލިބެނީ 150 މީދާ ހިފައިގެނެވެ. އަދި ތިން ވަނަ ލިބޭނީ 100 މީދާ ހިފުމުންނެވެ.

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ